Teoritë e konspiracionit QAnon janë përhapur edhe në Ballkanin Perëndimor.

Postimet në Twitter që lidhen me QAnon nga 5 milionë në vitin 2017, është rritur në 12 milionë në vitin 2020.

ShBA-ja zë vendin e parë të postimeve sipas REL, Britania e Madhe zë vendin e dytë dhe Gjermania të tretin.

Në Ballkanin Perëndimor, nga marsi deri në nëntor ka 147% më shumë publikime se sa në të gjithë vitin 2019, transmeton arbresh.info.

QAnon është një teori konspirative e ekstremit të djathtë që pretendon se një grup pedofilësh adhurues të Satanait po drejton një rrjet global të trafikimit të fëmijëve.

Asnjë pjesë e teorisë nuk bazohet në fakt.

Mbështetësit e QAnon kanë akuzuar shumë aktorë liberalë të Hollivudit, politikanë demokratë dhe zyrtarë të lartë të qeverisë si anëtarë të grupit./arbresh.info/